ГОЛОШЕНЯ НОМІНАЦІИ
на Націоналну Премію за Русинськый Кумшт
им. Ивана Манайла „Pro Arte Ruthenorum” - 2024.
Світовый Конґрес Русинув довєдна из Русинськым Націоналным Самосправованём міста Вац (Мадярщина) на засїданёви Конґреса 6. юлія 2019. рока засновали Націоналну Премію за Русинськый Кумшт им. Ивана Манайла „Pro Arte Ruthenorum”
Цїлёв заснованя преміи є пудпорованя и награда тых вызнамних сочасних русинськых художникÿв, котрі своим умілськым добытком изробили міморядни выслідкы у захраненя, розвуй и пропаґацію світового русинського кумшта.
Премія позоставать из ґравірованого кришталного трофея із подобов Ивана Манайла, написом „Pro Arte Ruthenorum” и меном награжденого Лауреата в русиньскім языку, памнятного дїплома и матеріалнуй пудпоры умілського дїятельства Лауреата у формі художньих матеріалув (на суму 200 000 Форинтув).
Преміёв кождый рÿк ся награждає єден вызнамный русинськый художник, вадь културна установа, на основі рішеня жÿрі комісіи про културу Світовуй Рады Русинÿв.
Любый жадавучый з цїлого світа має право предкласти приглашку на номінацію.
У приглашці, написануй по-русинськи, мавуть быти:
‒ имня и курта біоґрафія номінанта;
‒ обоснованя на номінацію;
‒ ілустративный матеріал.
КРАЙНЬИЙ ТЕРМІН ПРЕДКЛАДАНЯ ПРИГЛАШОК НА 2022 РУК:
2024.05.31.
Електронна пошта для предкладаня приглашок и фотоґрафій робот:
Рішеня журі: 2024.06.30.
Сяточноє уділёваня премії ся одбуде у керетох Світового Конгреса Русинув (Новый Сад, Сербія): 2024.08.17.-20.
Заснованём Націоналнуй премії за русинськый кумшт имени Ивана Манайла – „Pro Arte Ruthenorum” мы вносиме ищи єден вклад у націоналноє возродженя Русинув, у розвуй и популарізацію по цїлум світови нашуй необычайно богатуй и унікалнуй русинськуй културы.
Чекаєме на номінаціи талантӱв, удданых русинськуй културі!