Світовый Конґрес Русинув довєдна из Русинськым Націоналным Самосправованём міста Вац (Мадярщина) на засїданёви Конґреса 6. юлія 2019. рока засновали Націоналну Премію за Русинськый Кумшт им. Ивана Манайла „Pro Arte Ruthenorum”
Цїлёв заснованя преміи є пудпорованя и награда тых вызнамних сочасних русинськых художникÿв, котрі своим умілськым добытком изробили міморядни выслідкы у захраненя, розвуй и пропаґацію світового русинського кумшта.
Ivan Manajlo "Pro Arte Ruthenorum" Ruthenian National Award
- for a significant contribution to the development and promotion
of the Ruthenian Art.
Лавреати премії имени Ивана Манайла
„Pro Arte Ruthenorum”
Володимир Микита
– Почесный лавреат премії имени Ивана Манайла „Pro Arte Ruthenorum”
„Гордый єм, же-м Русин, и страшно люблю свуй народ.
Желаву премії имени Ивана Манайла одкрывати нові имена достойных сынув русинського народа. Най ся премія буде на хосен змуцненя и розвоя русинськуй културы навсе.”
Дїточа вытварна штудія им. Штефана Телепа
– Лавреат премії имени Ивана Манайла „Pro Arte Ruthenorum” - 2022.
„Дякую за тото барз великє выріжніня, бо то єст барз важне, достати нагороду і достати тоту шану, од люди котры сут Русинами, котры сут Лемками, (...) достати шану од Своіх.”
Олена Телеп, в імени свого мужа Штефана
Силвестер Макаї
– Лавреат премії имени Ивана Манайла „Pro Arte Ruthenorum” - 2023.
„Из великов гордостёв та щыров вдячностёв я принимаву сисю почесну Націоналну Премію за Русинськый Кумшт имени Ивана Манайла «Pro Arte Ruthenorum» – одзнаку, котра не лем вызнавать муй жизненный вклад у русинськоє уменя, айбо и іншпірує ня продовжовати мою прихылность та удданость сёму благородному ремеслови.” – Силвестер Макаї
Петро Фёлдеші
– Лавреат премії имени Ивана Манайла „Pro Arte Ruthenorum” - 2023.
„Премія «Pro Arte Ruthenorum» мені близька до серця, бо русинська мова є моя рӱдна мова, і коли тебе русини удзначавуть таков нагородов, то она є особливов і близьков до серця.
Кожда людина, кить она ся чимось занимать, усе має і мусить ся розвивати, завто сися нагорода є для мене – як аванс для подалшого творчого розвоя. Дякую!” – Петро Фёлдеші